प्रधानमन्त्री प्रचण्ड र भारतीय विदेश सचिव क्वात्राबीच भेटवार्ता
फागुन १, २०७९ सोमबार १९:३३:४३
काठमाडौं : प्रधानमन्त्री पुष्पकमल दाहाल प्रचण्ड र भारतीय विदेश सचिव विनय मोहन क्वात्राबीच भेटवार्ता भएको छ। सोमबार बालुवाटारमा उनीहरूबीच नेपाल र भारतबीचको द्विपक्षीय हितका विषयमा छलफल भएको हो।
प्रधानमन्त्री सचिवालयका अनुसार भेटमा ऊर्जा, व्यापार, कनेक्टिभिटी, कृषि, शिक्षा, संस्कृतिका क्षेत्रमा नेपाल-भारत सहकार्यका विषयमा छलफल भएको थियो।
भारतीय विदेश सचिव क्वात्रा नेपाल-भारतको सचिव स्तरीय बैठकका लागि आज काठमाडौं आएका हुन्। यसअघि उनले राष्ट्रपति विद्यादेवी भण्डारी, कांग्रेस सभापति शेरबहादुर देउवा र परराष्ट्रमन्त्री विमला पौड्यालसँग भेटवार्ता गरेका थिए।
प्रतिक्रिया दिनुहोस !
