बेनी : म्याग्दीको बेनी नगरपालिका–८ कालिपुलबाट एकजनालाई प्रहरीले लागुऔषधसहित पक्राउ गरेको छ । भारतको पश्चिम बंगाल घर भई हाल पोखरा बस्ने २८ वर्षीय अलेमुन हकलाई लागुऔषध खैरो हिरोइनसहित पक्राउ गरिएको जिल्ला प्रहरी कार्यालयले जनाएको छ ।
प्रहरी नायव उपरीक्षक मदन कुँवरका अनुसार हकको साथबाट बरामद गरिएको खैरो हिरोइजस्तो देखिने ६.५ ग्राम लागुपदार्थलाई परीक्षणका लागि प्रयोगशालामा पठाइएको छ ।
फागुन १६ गते साँझ पक्राउ परेका हकलाई म्याग्दी जिल्ला अदालतबाट अनुमति लिएर अनुसन्धानका लागि बुधबारदेखि ७ दिनको म्याद थपिएको छ । लागुऔषध नियन्त्रण ऐन, २०३३ अन्तर्गतको कसूरमा मुद्दा चलाउने प्रक्रिया अघि बढाइएको छ ।
म्याग्दीमा प्रहरीले केही दिनयता लागु औषध दूव्र्यसनीविरुद्ध अभियानले तीव्रता दिएको छ । गत हप्ता पर्वतको जलजला गाउँपालिका–३ वारीबेनीबाट पनि एक जना युवालाई लागुऔषधसहित पक्राउ गरिएको थियो ।
प्रतिक्रिया दिनुहोस !
