काठमाडौं : यही फागुन २७ गतेदेखि पाँचौ पाँचपोखरी टी-२० क्रिकेट प्रतियोगिता हुने भएको छ। खेलको सम्पूर्ण तयारी पूरा भएको खेलकुद विकास समितिका अध्यक्ष ग्यास्वो साम्देन तामाङले बताए।
प्रतियोगितामा सिन्धुपाल्चोक जिल्लाका सातवटा टिमको सहभागिता रहनेछ। यस प्रतियोगितामा विजेता र उपविजेता हुने टिमले क्रमशः ८० हजार र ५० हजार नगद, ट्रफी, प्रमाणपत्र, मेडल पाउने छन्।
प्रतियोगितामा सर्वोत्कृष्ट खेलाडी, उत्कृष्ट ब्याट्सम्यान, उत्कृष्ट बलर र उत्कृष्ट अलराउण्डरलाई ट्रफी तथा प्रमाणपत्र प्रदान गरिनेछ।
ग्रेट हिमालयन क्रिकेट एकेडेमीले उक्त प्रतियोगितामा सफलता हासिल गर्ने सर्वोत्कृष्ट खेलाडीलाई एक वर्ष र उत्कृष्ट बलर एवं उत्कृष्ट ब्याट्सम्यानलाई ६ महिना निःशुल्क क्रिकेट प्रशिक्षण प्रदान गर्नेछ।
प्रतिक्रिया दिनुहोस !
