स्ववियु निर्वाचन
सिन्धुलीमा अनेरास्ववियु चार, नेविसंघ र क्रान्तिकारी तीन–तीन क्याम्पसमा निर्विरोध निर्वाचित
स्ववियु निर्वाचन
चैत ५, २०७९ आइतबार १३:६:२१
सिन्धुली : आज देशैभर स्वतन्त्र विद्यार्थी युनियन (स्ववियु) को निर्वाचन भइरहेका बेला सिन्धुलीका सबै क्याम्पसमा स्ववियु कमिटि निर्विरोध निर्वाचित भएका छन् । त्रिविबाट सम्बन्धन प्राप्त जिल्लाका १० वटा क्याम्पसमा निर्विरोध कमिटी चयन गरिएको हो ।
जिल्लास्थित विद्यार्थी संगठनले भाडबण्डामा दशवटै क्याम्पसमा सर्बसम्मत कमिटी गठन गरेका हुन् । सहमतिअनुसार अनेरास्ववीयुले चार,नेविसंघले ३ र अखिल क्रान्तिकारी विद्यार्थी संगठनले तीनवटा क्याम्पसमा स्ववियुको नेतृत्व पाएका छन् ।
नेकपा माओवादी केन्द्र,नेपाली कांग्रेस, एमाले निकट विद्यार्थी संगठनहरूले सहमतिमा उमेदवारी दर्ता गराएपछि सबै क्याम्पसको कमिटी सर्वसम्मत भएको निर्वाचन अधिकृतको कार्यालयले जनाएका छन् ।
यस्तै नेविसंघका तर्फबाट सिन्धुली बहुमुखी क्याम्पसको सभापतिमा कृष्ण लामिछाने,लाम्पानटार बहुमुखी क्याम्पसको सभापतिमा रामप्रसाद गौतम र त्रिपुरेश्वर क्याम्पस तिनपाटनको सभापतिमा भक्तबहादुर तामाङ निर्विारोध चयन भएका छन् ।
अखिल क्रान्तिकारीबाट शिद्धज्योति शिक्षा क्याम्पसको स्ववियु सभापतिमा गोविन्द पहाडी, मरिण बहुमुखी क्याम्पसको सभापतिमा विज्ञान दोर्जे लामा र सुनकोशी क्याम्पसको स्ववियु सभापतिमा विनिता न्यौपाने निर्विरोध निर्वाचित भएका हुन्।
गएको फागुन २७ गतेका दिन उमेदवारी दर्ता गराउने क्रममा संगठनबीच सहमतिमा उमेदवारी दिइएको थियो । उनीहरूलाई सबै क्याम्पसका निर्वाचन अधिकारीले सर्वसम्मत निर्वाचित प्रमाणपत्र दिँदै शपथ ग्रहरण समेत गराएका छन् । सबै क्याम्पसमा स्ववियु कमिटीको पदाधिकारी तथा समावेशी सदस्यमा तीनवटै विद्यार्थी संगठनका उमेदवार निर्विरोध निर्वाचित भएका हुन् ।
सबै क्याम्पसका पदाधिकारी तथा सदस्यमा सिंगलसिंगल उमेदवारी दर्ता भएपछि ती क्याम्पसमा स्ववियु कमिटी निर्विरोध भएको निर्वाचन अधिकृतको कार्यालयले घोषणा गरेको अखिल (क्रान्तिकारी) सिन्धुलीका इन्चार्ज भानुभक्त श्रेष्ठले जानकारी दिए ।
प्रतिक्रिया दिनुहोस !
