फिदिम : पाँचथरको कुम्मायक गाँउपालिमा सम्पन्न चौथो कुम्मायक गोल्डकपको उपाधि याङवरक गाँउपालिकाले कब्जा गरेको छ । कुम्मायकको केन्द्र यासोक स्थित पृथ्वी माविको मैदानमा भएको फाइनल खेलमा फाल्गुनन्द गाँउपालिकालाई ३-१ गोलले पराजित गर्दै याङवरकले उपाधि कब्जा गरेको हो ।
बिजेता बनेसँगै कुम्मायकले एक लाख ११ हजार एक सय ११ रुपैँया नगद पुरस्कार सहित ट्रफी, मेडल, प्रमाणपत्र र रनिङ शिल्ड हात पारेको छ । उपबिजेतामा सिमित बनेको फाल्गुनन्दले ५५ हजार पाँच सय ५५ रुपैँया नगद पुरस्कार सहित ट्रफी, मेडल र प्रमाणपत्रमा चित्त बुझायो ।
खेलको पहिलो हाफको ६ मिनेटमा याङवरकका सुमन योङ्याले सुरुवाति गोल गरेका थिए । योङ्याले गरेको थ्रोइङ बल गोलमा परिणत भएको थियो । खेलको ३३ औँ मिनेटमा फाल्गुनन्दका बिनोद नेम्बाङले गोल गर्दै खेललाई बराबरी बनाए ।
निकै प्रतिस्पर्धात्मक खेलको पहिलो हाफको अतिरिक्त समयमा याङवरकका पुस्कर काम्वाङले गोल गरेर टिमलाई अग्रता दिलाए । खेलको दोस्रो हाफमा फाल्गुनन्दका खेलाडीले लय समाउन नसक्दा याङवरकसामु फाल्गुनन्द निरिह साबित बन्यो । दोस्रो हाफको १७ मिनेटमा याङवरकका सुमनले गोल गरेर जितलाई निश्चित गरे ।
फाइलन खेलको म्यान अफ दी म्याच याङवरकका पुष्कर काम्बाङ घोषित भए । उनले ५ हजार नगद पुरस्कार प्राप्त गरे । प्रतियोगिताको सार्वाधिक गोलकर्ता चार गोल गरेका कुम्मायकका बिनोद नेम्बाङ घोषित भए । उनले ५ हजार नगद पुरस्कार प्राप्त गरे ।
प्रतियोगिताको उत्कृष्ठ खेलाडी याङवरकका जमिन लिम्बू घोषित भए । उनले १५ हजार नगद पुरस्करा प्राप्त गरे । बेष्ट डिफेन्समा फाल्गुनन्दका दिपेश आङ्देम्बे घोषित भए । उनले ५ हजार नगद पुरस्कार प्राप्त गरे ।
बेष्ट गोलकिपर घोषित भएका याङवरकका रबिन बेघाले ५ हजार पुरस्कार प्राप्त गरे । उदयमान खेलाडीमा कुम्मायकका सुशील लावतीले ५ हजार नगद पुरस्कार प्राप्त गरे ।
बेष्ट मिडफिल्डरमा फाल्गुनन्दका ऋतिक आङ्देम्बे घोषित भए । उनले ५ हजार नगद प्राप्त गरे । बेष्ट फरवार्डमा याङवरकका सुमन योङ्या घोषित भए । उनले ५ हजार प्राप्त गरे । बेष्ट कोचमा याङवरकका तुफान क्षेत्री पुरस्कृत बने । उनले ५ हजार नगद पुरस्कार प्राप्त गरे ।
प्रतियोगिताको बिजेता टिमलाई कार्यक्रमका प्रमुख अतिथि कुम्मायक गाँउपालिकाका अध्यक्ष बम प्रसाद लावतीले पुरस्कार प्रदान गरे । कुम्मायक स्पोर्टिङ क्बलको आयोजनामा सम्पन्न खेलमा पाँचथरका आठ वटा स्थानीय तहका फुटबल टिमले सहभागिता जनाएका थिए । प्रतियोगिता क्लबका अध्यक्ष रोहन घिमिरेको अध्यक्षतामा सम्पन्न भएको हो ।
प्रतिक्रिया दिनुहोस !
