काठमाडौं : प्रधानमन्त्री पुष्पकमल दाहाल 'प्रचण्डले आज मन्त्रिपरिषद विस्तार गर्ने भएका छन्। त्यसका लागि राष्ट्रपति कार्यालयले दिउँसो ३ बजे नवनियुक्त मन्त्रीका लागि शपथको समय तोकेको हो।
राष्ट्रपति कार्यालयका सहायक प्रवक्ता लीलाकान्त पौडेलले नव नियुक्त मन्त्रीहरूको शपथ तीन बजे तय भएको अन्नपूर्णलाई जानकारी दिए ।
यसअघि आज बिहान मन्त्रिपरिषद विस्तार र शपथग्रहणका विषयमा राष्ट्रपति रामचन्द्र पौडेल र प्रधानमन्त्री पुष्पकमल दाहाल ‘प्रचण्ड’बीच छलफल भएको थियो।
प्रधानमन्त्री प्रचण्डले आज दिउँसो १ बजेभित्र सत्ता गठबन्धनका सबै राजनीतिक दलसँग मन्त्रीको नाम मागेका छन्।
सत्ता गठबन्धन दलभित्र कसले कति मन्त्रालय पाउनेबारे समझदारी भएको छ। जसमा कांग्रेसले ८, माओवादीले ५,जसपा र नेकपा एकीकृत समाजवादीले २-२ र जनमत, लोसपा, नेसपा, नागरिक उन्मुक्ति र आम जनता पार्टीले एक-एक मन्त्रालय दिने सहमति भएको छ।
प्रतिक्रिया दिनुहोस !
