बागमती राष्ट्रिय रग्वी सेभेन्स प्रतियोगिता जेठ २० र २१ मा
काठमाडौं : बागमती राष्ट्रिय रग्वी सेभेन्स प्रतियोगिता– २०८० जेठ २० गतेदेखि सुरु हुने भएको छ।
बागमती प्रदेश खेलकुद विकास परिषद्को आयोजना र नेपाल रग्वी संघको व्यवस्थापनका हुन लागेको प्रतियोगिता जेठ २१ गतेसम्म चल्नेछ।
भक्तपुरको मध्यपुर ठिमीस्थित मध्यपुर युवा क्लबको खेलमैदानमा हुने प्रतियोगितामा महिला र पुरुषतर्फ समान सात गरी कुल १४ टिमले सहभागिता जनाउनेछन्।
प्रतियोगितामा सात प्रदेशमध्ये पाँच प्रदेश र तीन विभागीय टिमको सहभागिता रहने आयोजकले जानकारी दिए। तर, प्रतियोगितामा लुम्बिनी प्रदेशले पुरुषमा र नेपाल पुलिस क्लबले महिलामा टिम पठाएको छैन।
यो प्रतियोगिता कतारमा हुने एसिया रग्वी सेभेन्स महिला तथा पुरुष प्रतियोगिता र चीनमा हुने एसियन गेम्सका लागि राष्ट्रिय टिमको छनोटका रूपमा रहेको संघले जनाएको छ।
प्रतियोगिताको महिला–पुरुष दुवैतर्फको विजेताले ५० हजार रुपैयाँ पुरस्कार पाउनेछन् उपविजेतालाई २० हजार रुपैयाँ पुरस्कार प्रदान गरिने छ।