कोशी प्रदेशका सभामुख गठबन्धनको इसारामा चले, सरकार असंवैधानिक : केपी ओली
असार २२, २०८० शुक्रबार १४:४१:२
काठमाडौं : नेकपा एमाले अध्यक्ष केपी शर्मा ओलीले कानुन विपरीत कोशी प्रदेशमा सरकार गठन भएको बताएका छन् । स्ववियु काउन्सिल नेपालको १० औं राष्ट्रिय भेला तथा प्रशिक्षण कार्यक्रमको कीर्तिपुरमा उद्घाटन गर्दै एमाले अध्यक्ष ओलीले यो सरकारले दम्भको आधारमा अलोकतान्त्रिक र असंवैधानिक कदम चालेको बताए।
अहिलेको सरकार उन्मादको भाषा बोलिरहेको उनको जिकिर छ । ओलीले भने,‘अहिलेको सरकार देशलाई लतारेर गुलामी काम गर्दै आएको छ । सभामुख कुनै दल विशेषको सदस्य हुँदैन । सभामुख भएपछि
स्वतन्त्र संसद्को सदस्यको हैसियतमा हुन्छ । हिजो गठबन्धनको बैठक बस्यो । कोशी प्रदेशमा सभामुखले गठबन्धनको आदेश पालना गरे । कानुन विपरीत कोशी प्रदेशमा सरकार बन्यो । ’
बहुमत नभएका पार्टीहरुले स्वार्थपूरण काम गरिरहेको उनको आरोप छ। ‘अहिले पनि संघर्षको आवश्यकता छ । संविधान लगातार मिच्ने काम भयो । बहुमत नभएका पार्टीले स्वार्थपूर्ण काम गरेका छन्,'उनले भने,' राष्ट्रका हितलाई काटकुट गरिरहेका छन् । राष्ट्रपतिबाट संविधानविपरीत तथाकथित विधेयक प्रमाणिकरण गर्ने काम भयो ।’
प्रतिक्रिया दिनुहोस !
