फिदिम : मेची राजमार्गअन्तर्गत लालिखर्कमा गाडीको ठक्करबाट एकजनाको मृत्यु भएको छ । मृत्यु हुनेमा अन्दाजी ३० वर्षीय युवक रहेका छन् । उनको सनाखत हुन बाँकी छ ।
मेचि राजमार्गअन्तरर्गत फिदिम-३ लालीखर्कमा बुधबार दिउसो १:३० बजेतिर सडकमा हिँडिरहेका उनलाई प्रदेश २-०३-००१ ख ४८०७ नम्बरको गाडीले ठक्कर दिएको जिल्ला प्रहरी कार्यालय पाँचथरले जनाएको छ । ठक्करबाट उनको घटना स्थलमै मृत्यु भएको हो ।
ठक्कर दिने गाडीलाई प्रहरीले नियन्त्रणमा लिएको छ । चालक भने फरार छन। उनको खोजी भइरहेको प्रहरीले जनाएको छ । घटनाको थप अनुसन्धान भइरहेको जिल्ला प्रहरी कार्यालय पाँचथरले जनाएको छ ।
प्रतिक्रिया दिनुहोस !
