'अनर एक्स नाइन बी’ को प्रि-बुकिङ खुल्यो
काठमाडौं : नेपाली बजारमा ‘अनर एक्स नाइन बी’ स्मार्टफोनको प्रि-अर्डर खुलेको छ। अनरको नेपालस्थित आधिकारिक बिक्रेता सेल्ट्रोन नेपाल प्रालिले आइतबारदेखि यो फोनको प्रि-बुकिङ खुलाएको हो।
ग्राहकले यो फोन प्रि-अर्डर गर्दा पहिलो ४०० ग्राहकले पाँच हजार ९९० रुपैयाँ मूल्यको ‘अनर इयरबड्स एक्स फाइभ’ निःशुल्क पाउने कम्पनीले जनाएको छ। प्रि-बुकिङ २७ जनवरीसम्म जारी रहनेछ। अल-एंगल अल्ट्रा-टफ डिस्प्ले बाहेक, यसमा अन्य विशिष्टताहरू छन् जुन यसको अघिल्लो संस्करणदेखि अपग्रेड गरिएको छ।
यो फोनमा १०८ मेगापिक्सेल अल्ट्रा क्लियर क्यामेरा, ५ मेगापिक्सेल अल्ट्रा वाइड क्यामेरा र २ मेगापिक्सेलको म्याक्रो गरी पछाडि ट्रिपल क्यामेरा सेटअप छ। त्यस्तै सेल्फीका लागि १६ मेगापिक्सेल क्यामेरा छ।
सेलट्रोन नेपालले अनर एक्स नाइन बी (१२+२५६)जी बि भेरियन्टको मूल्य ४३ हजार ९९९ रुपैयाँ तोकेको छ। ग्राहकहरूले अनर एक्स नाइन बी लाई अनलाइन र अफलाइन दुवै प्लेटफर्मबाट प्रि-अर्डर गर्न सक्छन्।
ग्राहकहरूले आफ्नो नजिकैको अनर-अधिकृत स्टोरहरूबाट अर्डर बुक गर्न सक्छन् भने अनलाइनको लागि दराज वा हुकुट मध्ये कुनै पनि अनलाइन प्लेटफर्महरूबाट बुकिङ गर्न सकिनेछ।