धरान : सुनसरीको इटहरी उपमहानगरपालिका वडा नम्बर ६ मा नक्कली पेस्तोल देखाएर लुटपाट गर्ने उद्देश्यले सर्वसाधारणलाई आतंकित बनाउने दुईजनालाई प्रहरीले पक्राउ गरेको छ ।
लुटपाटको योजना बनाइरहेका उनीहरुलाई पक्राउ गरिएको जिल्ला प्रहरी कार्यालय सुनसरीका प्रवक्ता डीएसपी नबिनकृष्ण भण्डारीले जानकारी दिए।
पक्राउ पर्नेमा धनकुटा छथर जोरपाटी गाउँपालिका-५ का ३० वर्षीय दावा छिरिङ शेर्पा र मोरङको बिराटनगर महानगरपालिका-१५ का ३५ वर्षीय शिरिस बोहरा रहेको डीएसपी भण्डारीले बताए । पक्राउ परेका बोहोराको साथबाट मेड इन चाइना लेखिएको नक्कली पेस्तोल बरामत गरिएको उनले बताए ।
दुबैजनालाई सुनसरी जिल्ला अदालतबाट ७ दिनको म्याद थप गरी कानुनी कारवाहीका प्रक्रिया अगाडि बढाइएको प्रहरीले जनाएको छ।
प्रतिक्रिया दिनुहोस !
