बुटवल : लागुऔषध कारोवारमा संलग्न दुईजना यूवालाई इलाका प्रहरी कार्यालय बुटवलले पक्राउ गरेको छ । बुटवल उपमहानगरपालिका -१० रामनगरस्थित पूर्वपश्चिम राजमार्गमा चेकजाँचको क्रममा शंकास्पद अवस्थामा हिँडेका बुटवल ११ देविनगरका ४६ वर्षीय दिनेश थापा र तिलोत्तमा नगरपालिका -२ का २८ वर्षीय बिक्की पुनमगरलाई प्रहरीले पक्राउ गरेको हो ।
उनीहरुको साथबाट एसपीएस लेखेको क्याप्सुल,केयर ज्याकको टिटीसेट,निबट्राभेट–१० लेखेको ट्याब्लेट नगद ५५ हजार ५ सय ४० रुपैयाँ र ब्राउन सुगर बरामद गरिएको छ ।
उनीहरुलाई लागुऔषध कसुर शीर्षकमा मुद्दा दर्ता गरी थप अनुसन्धान भइरहेको प्रहरीले बताएको छ ।
प्रतिक्रिया दिनुहोस !
