नेदरल्यान्ड्सविरुद्ध नेपालले टस जितेर फिल्डिङ गर्दै
![नेदरल्यान्ड्सविरुद्ध नेपालले टस जितेर फिल्डिङ गर्दै](https://annapurnapost.prixacdn.net/media/albums/nepal-netherlands_2VSHG2GiDE_YR0fwQ51YO.jpg)
काठमाडौं : घरेलु मैदानमा जारी त्रिकोणात्मक टि-२०आई सिरिज अन्तर्गत नेदरल्यान्ड्सविरुद्ध नेपालले टस जितेर फिल्डिङ गर्ने निर्णय गरेको छ। त्रिवि क्रिकेट मैदान कीर्तिपुरमा बुधबार नेपालका कप्तान रोहित कुमार पौडेलले टस जितेर पहिलो फिल्डिङ रोजेका हुन्।
नेपालले आज टोलीमा दुई खेलाडी परिवर्तन गरेको छ। विवेक यादव र अभिनाश बोहोराको स्थानमा ललितनारायण राजवंशी र प्रतिश जिसीलाई समावेश गराइएको हो।
आईसीसी क्रिकेट विश्वकप लिग-२ को एकदिवसीय पहिलो सिरिज सकिएलगत्तै नेपाल, नामिबिया र नेदरल्यान्ड्सले टि-२० सिरिजमा प्रतिस्पर्धा गरेका हुन्। यस शृङ्खलादेखि नेपालले आगामी जुनमा अमेरिका र वेस्टइन्डिजमा हुने टी-२० विश्वकपको औपचारिक तयारी सुरुवात गर्नेछ।
नेपाल रहेको समूह 'डी' मा विश्वकपमा नेदरल्यान्ड्स, श्रीलंका, बंगलादेश र दक्षिण अफ्रिका छन्। मंगलबार नामिबियासँग २० रनले नेपाल पराजित भएको थियो। आईसीसी क्रिकेट विश्वकप लिग-२ को एकदिवसीय पहिलो सिरिजमा नेदरल्यान्ड्स र नेपालले १/१ खेल जितेका थिए।
नेपालको टोली :
कुशल भुर्तेल, आसिफ शेख, रोहित पौडेल (कप्तान) , कुशल मल्ल, सन्दीप जोरा, सोमपाल कामी, गुलशन झा, दीपेन्द्र सिंह ऐरी, ललित नारायण राजवंशी, करण केसी र प्रतिश जिसी
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)