म्याग्नाइटको स्मार्ट इडिसन सार्वजनिक, ३ लाखसम्मको लाभ
काठमाडौं : नेपालमा निसान गाडीका अधिकारिक विक्रेता पायोनियर मोटो कर्पले निसान म्याग्नाइटको स्मार्ट इडिसन भेरियन्ट सार्वजनिक गरेको छ। नेपालमा सन् २०२१ मा सार्वजनिक भई नेपाली बजारमा लोकप्रियता पाएको यो ‘बिग’, ‘बोल्ड’, ‘ब्युटिफुल’ र ‘कारिज्माटिक’ एसयूभी निसान म्यागनाइट नयाँ, स्मार्ट र नवीनतापूर्ण आरामदायी सुविधासहित उपलब्ध भएको छ।
निसान म्याग्नाइट स्मार्ट इडिसन मार्च महिनामा खरिद गर्दा विशेष छुटका साथ आकर्षक मूल्यको लाभ लिन सकिन्छ। गाडीको खरिदमा ग्राहकले विभिन्न लाभहरू समावेश गरी जम्मा ३ लाख १६ हजार १ सय ९६ रुपैयाँसम्मका फाइदा प्राप्त गर्न सक्नेछन्।
निसान म्याग्नाइट स्मार्ट इडिसनमा अतुलनीय मनोरञ्जनको लागि नयाँ ८ इन्च टचस्क्रिन नेभिगेसन डिस्प्ले उपलब्ध छ। ढुक्कले ड्राइभिङ गर्न सक्षम बनाउने फग लाइट समावेश गरिएका छन्।
स्मार्ट एलईर्ड डीआरएलले कारको डिजाइनमा सुन्दरता थपेको छ। एलोय ह्विल, मस्कुलर लाइन र डायनामिक स्टाइल डिजाइनले गर्दा नयाँ गाडी हरेक कोणबाट साँच्चिकै आकर्षक र बोल्ड देखिन्छ। गाडीमा वायरलेस चार्जरको सुविधा पनि छ। निसान म्यागनाइट एएमटि चाँडै नै देशव्यापी रुपमा उपलब्ध हुने तयारीमा रहेको बताइएको छ।