काठमाडौं : सामसङ नेपालले फिटनेस ट्रयाकर ग्यालेक्सी फिट ३ सार्वजनिक गरेको छ। ग्यालेक्सी फिट ३ सामसङको सबैभन्दा नयाँ लगाउन मिल्ने (वेरेबल) डिभाइस हो।
सामसङको अत्याधुनिक स्वास्थ्य–निगरानी प्रविधियुक्त फिट३ले सबैलाई आफ्नो उत्कृष्ट अनुभव गर्न र स्वस्थ जीवनशैली अपनाउन प्रेरित गर्ने कम्पनीले बताएको छ।
ग्यालेक्सी फिट ३ लाई एल्युमिनियम बडी, एमोलेटेड स्क्रिन र १.६ इन्चको डिस्प्लेको साथ डिजाइन गरिएको छ। जुन अघिल्लो मोडलको तुलनामा ४५ प्रतिशत फराकिलो छ। जसले प्रयोगकर्ताहरूलाई एकै नजरमा विस्तृत इन्साइट्स जाँच गर्न सजिलो बनाउने कम्पनीको भनाइ छ।
यसको तौल हलुका र लगाउन आरामदायक भएकोले सजिलैसँग दैनिकरूपमा प्रयोग गर्न सकिन्छ। यसमा लामो समयसम्म टिक्ने ब्याट्री रहेकाले १३ दिनसम्म आरामले चल्ने कम्पनीले बताएको छ।
प्रयोगकर्ताहरूले आफ्नो ट्रयाकरलाई निजीकृत गर्न सक्छन् र १०० भन्दा बढी प्रिसेटहरू सेटिङबाट आफ्नो मनपर्ने वाच फेस छनोट गरेर वा ब्याकग्राउण्डको रूपमा आफ्नै फोटोहरू सेट गरेर यसलाई थप स्टाइलिश बनाउन सक्छन्।
ग्यालेक्सी फिट ३ फागुन २८ गतेदेखि नेपालभर उपलब्ध भएको छ। यो ग्रे (खैरो), सिल्भर, पिंक (गुलाबी) गोल्ड (सुनौलो) रंगहरूमा उपलब्ध रहेको छ। यसको मूल्य ७ हजार ९९९ रूपैयाँ तोकिएको छ।
प्रतिक्रिया दिनुहोस !
