उपनिर्वाचनको मतगणना
बझाङमा एमाले र माओवादीबीच प्रतिस्पर्धा, कांग्रेस तेस्रोमा
वैशाख १६, २०८१ आइतबार १८:१६:३३
बझाङ : बझाङ १ (१) मा भएको प्रदेशसभा उपनिर्वाचनको मतगणना जारी छ। अहिलेसम्म छबिसपाथिभेरा गाउँपालिका वडा नम्बर १, २, ३, ४, ५ र ६ को मतगणना सकिएको छ।
अहिलेसम्म एमाले पहिलो स्थानमा छ भने दोस्रो स्थानमा रहेको कांग्रेस तेस्रोमा झरेको छ। माओवादी दोस्रोमा उक्लिएको हो। ६ वटा वडाको मतगणना सकिँदा एमाले उम्मेदवार दमनबहादुर भण्डारी १ हजार ५९२ पाएका छन्। माओवादी उम्मेदवार जनक बुढाले १ हजार मत ल्याएका छन्।
कांग्रेस उम्मेदवार अभिषेकबहादुर सिंहले ९५५ मत पाएका छन्। नेकपा एकीकृत समाजवादीका दिलबहादुर सिंहले ५७७ र राप्रपाका किशोर खड्काले २० मत पाएका छन्।
प्रतिक्रिया दिनुहोस !
