सिन्धुली : खोलामा करेन्ट लगाएर माछा मार्ने क्रममा सिन्धुलीमा एक जनाको मृत्यु भएको छ।
कमलामाई नगरपालिका-११ स्थित धमिले खोलामा करेन्ट लगाएर माछा मार्ने क्रममा करेन्ट लाग्दा १५ वर्षीय पुष्करदिप थापाको मृत्यु भएको हो।
सिन्धुली प्रहरीका अनुसार दिउँसो १ बजे खोलामा करेन्ट लगाउँदा करेन्ट लागि घाइते भएका उनको सिन्धुली अस्पतालमा उपचारका क्रममा मृत्यु भएको सिन्धुलीका प्रहरी प्रवक्ता तथा प्रहरी नायव उपरीक्षक अनिल कुमार खड्काले जानकारी दिए।
मृतक थापाको शव सिन्धुली अस्पतालमा रहेको र घटनास्थलमा प्रहरी निरीक्षकको कमान्डमा टोली खटि गई अनुसन्धान भई रहेको प्रहरीको भनाइ छ।
प्रतिक्रिया दिनुहोस !
