लागुऔषधसहित धरानबाट पाँचजना पक्राउ
![लागुऔषधसहित धरानबाट पाँचजना पक्राउ](https://annapurnapost.prixacdn.net/media/albums/arrested-dharan_lqBPVn7IVT_DRUjbAk2mh.jpg)
धरान : प्रतिबन्धित लागुऔषधसहित प्रहरीले धरानबाट पाँचजनालाई पक्राउ गरेको छ । विशेष सूचनाको आधारमा इलाका प्रहरी कार्यालय धरानबाट गएको प्रहरी अधिकृतको टोलीले १७ वर्षीय किशोरीको कोठामा चेकजाँच गर्दा अवैध लागुऔषध ट्रामडोल १४ हजार ९ सय एक क्याप्सुल, स्माजमोल ७ हजार ४ सय ९६ ९ सात हजार चार सय छयानब्बे ट्याप्लेट, कोलिबन १ हजार ५ सय ५५क्याप्सुल बरामद गरिएको जिल्ला प्रहरी कार्यालय सुनसरीका प्रवक्ता डीएसपी नविनकृष्ण भण्डारीले बताए ।
उनीहरूको साथबाट नगद ७६ हजार बरामद गरिएको छ । धरान-४ बस्ने २६ वर्षीय मदन राई, १९ वर्षीय सचिन राई , धनकुटा नगरपालिका-३ कागतेका ४५ वर्षीय चन्द्रध्वज राई र भारतको अररिया जिल्ला इन्द्रगडको २८ वर्षीय रविकुमार सिंहलाई पक्राउ गरिएको डीएसपी भण्डारीले बताए ।
प्रहरीले किशोरी नाबालिक भएकाले उनको परिचय खुलाइएको छैन । पक्राउ परेकाविरुद्द जिल्ला अदालत सुनसरीबाट म्याद थप गरी अनुसन्धान थालिएको डीएसपी भण्डारीले बताए ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)