स्टार्टअप व्यवसाय सञ्चालन गर्न सहुलियतपूर्ण ऋण,तालिम र विशेष अनुदान आवश्यक : देउवा

स्टार्टअप व्यवसाय सञ्चालन गर्न सहुलियतपूर्ण ऋण,तालिम र विशेष अनुदान आवश्यक : देउवा

काठमाडौं : नेपाली कांग्रेसका सभापति शेर बहादुर देउवाले स्थानीय उद्यमशीलताको विकास गर्दै आत्मनिर्भरता र रोजगारी सृजना गर्नुपर्ने आवश्यकता रहेको बताएका छन्। कांग्रेसको उद्यमशीलता र साना तथा मझौला व्यवसायी विकास विभागले पार्टी कार्यालय सानेपामा आयोजना गरेको नेपाल स्टार्टअप र एसएमई समिटको उद्घाटन गर्दै सभापति देउवाले गाउँ तहदेखि उद्यमको विकास हुँदै जाँदा सानो लगानीले पनि रोजगारी र आत्मनिर्भरतामा सहयोग पुग्ने समेत बताएका हुन्।

स्टार्टअप उद्यम सञ्चालन गर्न सहुलियतपूर्ण ऋण, तालिम, सीप विकास र विशेष अनुदान पनि आवश्यक पर्ने भन्दै उनले सरकारको साथ,समर्थन र संरक्षकत्व अपरिहार्य हुने उल्लेख गरे। थोरै लगानीमै स्टार्ट अफ व्यवसायलाई प्रभावकारी रुपमा सञ्चालन गर्न सके रोजगारीमा क्रान्ति ल्याउन सकिने उनले बताए।

सभापति देउवाले कृषि,वन,जडिबुटी,पर्यटन,प्रविधि जस्ता क्षेत्रको समुचित विकासमा विशेष ध्यान दिनसके मुलुकको आर्थिक अवस्था उकास्न ठूलो टेवा पुग्न सक्ने समेत बताए । उनले नेपालको स्थानीय उत्पादन वृद्धि गर्दै आयात प्रतिस्थापन गर्ने र वैदेशिक व्यापार घाटा न्यून गर्दै लैजाने उद्देश्यले साना तथा मझौला उद्यम व्यवसाय प्रवर्धन गर्ने नीति लिएको धारणा राखे।

सभापति देउवाले उद्यमी,व्यापारी,व्यवसायीहरूले भोग्नु परेका कानुनी तथा प्रकृयागत झन्झटहरू अन्त्य गर्दै व्यवसायमा सहजीकरण गर्न सरकारले आवश्यक कानुन ल्याएको र कानुनले यस क्षेत्रको सुधारमा अवश्य पनि सहयोग पुग्ने विश्वास व्यक्त गरे।

दुई दिनसम्म चल्ने सम्मेलनमा नेपालका विभिन्न साना तथा मझौला व्यवसायीहरूले आफ्नो उत्पादन र सेवाको प्रदर्शनी कार्यक्रम स्थलमा राखिएका ८० वटा स्टलहरूबाट बिक्री,वितरण एवं जानकारी समेत गराउने बताइएको छ । 


 


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.