अमेरिकामा हजारौं सरकारी कर्मचारीको जागिर गुम्ने, कार्यालय पुगेकालाई गेटमै रोकियो
चैत २०, २०८१ बुधबार ७:४२:२८
वासिङटन डिसी : अमेरिकामा संघीय स्वास्थ्यकर्मीहरूको कटौती सुरु भएको छ। कर्मचारीहरूलाई मंगलबार कार्यालयको गेटमा रोकिएपछि यो कटौतीको बारेमा थाहा भएको बीबीसी समाचारमा उल्लेख छ।
यी कटौतीहरूमा धेरै शीर्ष अधिकारीहरू समावेश छन्।
अमेरिकी स्वास्थ्य सचिव रोबर्ट एफ. केनेडीले गत हप्ता १०,००० कर्मचारीहरूलाई बर्खास्त गर्ने घोषणा गरेका थिए।
अमेरिकी राष्ट्रपतिको कार्यालयले गत हप्ता खाद्य तथा औषधि प्रशासन (FDA) का ३,५०० कर्मचारीहरूलाई हटाउने योजना रहेको बताएको थियो।
साथै संयुक्त राज्य अमेरिकाको रोग नियन्त्रण तथा रोकथाम केन्द्र (CDC) बाट २,४०० कर्मचारीहरूलाई बर्खास्त गरिने भएको छ। यसबाहेक प्रशासनले राष्ट्रिय स्वास्थ्य संस्थानबाट पनि १,२०० कर्मचारीहरूलाई हटाउनुपर्ने बताएको छ। बीबीसी
प्रतिक्रिया दिनुहोस !
