‘ठेकेदारको खुट्टा’ भाँच्ने अभिव्यक्तिबारे मन्त्री लम्सालले संसदबाट दिए यस्तो जवाफ
असार ४, २०८३ बिहीबार १६:७:३५
काठमाडौं : पूर्वाधार बिकासमन्त्री सुनिल लम्सालले मुलुकको निर्माण क्षेत्रमा बहुवर्षीय बजेट प्रणालीलाई प्राथमिकता दिएको बताएका छन् । बिहीबार प्रतिनिधिसभा बैठकमा आफ्नो मन्त्रालयको बिनियोजन विधेयकमाथिको छलफलका क्रममा मन्त्री लम्सालले बहुवर्षीय बजेट प्रणालीलाई प्राथमिकता दिएका कारण पहिलो बर्ष केहि आयोजनामा बजेट कम भएको जस्तो देखिएको बताएका हुन् ।
उनले पहिलो बर्षमा आयोजनाहरुमा छुट्याइएको बजेट कम भए रकमान्तर गरेर भए पनि पूर्ति गरिने उल्लेख गरे । मन्त्री लम्सालले मन्त्रालयको बजेट करिव ३ खर्बको रहे पनि आगामी आर्थिक बर्षमा १० खर्ब रुपैयाँ बराबरका ठेक्का आह्वान गर्ने लक्ष्य रहेको बताए । उनले संघीय सरकारको क्षेत्रमा पर्ने सडक निर्माणका लागि पर्याप्त बजेट बिनियोजन भएको र सांसदहरुको मागका आधारमा सबै क्षेत्रलाई प्राथमिकता राखेको बताए ।
काम नगर्ने ठेकेदारको खुट्टा भाँच्ने अभिव्यक्तिप्रति मन्त्री लम्सालले ठेकेदार कम्पनीलाई जिम्मेवार बनाउने प्रयास मात्रै आफूले गरेको र कसैलाई दुःख दिने आशय नभएको स्पष्ट पारेका छन् । उनले ठेकेदार कम्पनीले समयमा नै काम नगर्दा ठेक्का रद्द गर्नुपर्ने र यसका कारण समय र स्रोत समेत खेर जाने अवस्था आउन सक्ने भएकाले सचेत गराएको बताए ।
प्रतिक्रिया दिनुहोस !
