झापा : भद्रपुरको मेची पुलमा चोरीको मोटरसाइकलसहित दुईजना पक्राउ परेका छन् । पक्राउ पर्नेहरूमा गौरीगन्ज गाउँपालिका–५ निवासी २० वर्षीय रोम भन्ने प्रकाश यादव र बिर्तामोड नगरपालिका– १ निवासी २० वर्षीय ओमप्रकाश खड्का रहेको जिल्ला प्रहरी कार्यालय झापाले जनाएको छ ।
प्रहरीका अनुसार पक्राउ परेका उनीहरूले गत साउन ३० गते राति १२ बजे मोरङ जिल्ला रतुवामाई नगरपालिका–४ आमवारि चोक निवासी पुष्पमाया खतिवडाको घर कम्पाउन्डमा पार्किङ गरी राखेको ३० प ९६७७ नम्बरको मोटरसाइकल चोरी गरेका थिए ।
मोटरसाइकल चोरी गरी भद्रपुरतर्फ ल्याएको भन्ने सूचनाको आधारमा सोमबार भद्रपुर नगरपालिका–५ स्थित मेची पुलमा खटिएका प्रहरीले चेकजाँचको उनीहरूलाई मोटरसाइकलसहित पक्राउ गरेको थियो । उनीहरूले चोरेको मोटरसाइकल भारततर्फ लैजान खोजेका थिए ।
यता मोटरसाइकलसहित पक्राउ परेका यादव र खड्कालाई आवश्यक कारबाहीको लागि इलाका प्रहरी कार्यालय सिजुवा मोरङ पठाइसकेको प्रहरीले जनाएको छ ।
प्रतिक्रिया दिनुहोस !
