गोरखा : चुमनुब्री गाउँपालिका- २ ल्होको स्यो गाउँका दुई घर मध्यरातमा आगलागी भएर नष्ट भएका छन् । मंगलबार राति १ बजे एक्कासी भएको आगालागीमा परी स्थानीय पेम्बा छिरिङ लामा र लाक्पा नुर्बु लामाको घर जलेर पूर्णरुपमा नष्ट भएको प्रहरीले जनाएको छ ।
मान्छेको बसोबास नभएको अवस्थामा आगालागी भएकाले मानवीय तथा पशुचौपायाको क्षति भने नभएको प्रहरीले जनाएको छ ।अन्य क्षतिको विवरण आउन बाँकी रहेको छ ।
छोराछोरी काठमाडौंमा पढ्न गएका र घरमा बसोबास गर्ने श्रीमानश्रीमती आफन्तकोमा तथा बारीको गोठमा बसेका बेला घटना भएको निवर्तमान वडाअध्यक्ष पेम्बारिता लामाले जानकारी दिए ।
पर्वको अवसरमा घरमा बत्ती बालेर गएकाले सोही बत्तीबाट आगो सल्किएको स्थानीयको अनुमान छ । घटनास्थलमा प्रहरी चौकी लार्केबाट खटिएका प्रहरी पुगेका छन् ।
प्रतिक्रिया दिनुहोस !
