परासी : शीतलहरका कारण दुई दिनदेखि यातायात आवतजावतमा समस्या भएको पूर्व-पश्चिम राजमार्गको दाउन्ने क्षेत्र बिहानदेखि सामान्य बन्न थालेको छ । शीतलहरका कारण बाटो चिप्लो हुँदा दाउन्ने पहाड क्षेत्रमा सवारी आवतजावतमा समस्या भएको थियो ।
चिप्लोका कारण सडक अवरोध हुँदा पूर्वतर्फ दुम्किवास र पश्चिमतर्फ बर्दघाटमा सवारी साधन जाममा परेका थिए । अहिले ट्राफिक व्यवस्थापन गरेर एकतर्फी रुपमा सवारी साधन सञ्चालन भइरहेको पूर्वी नवलपरासी ट्राफिक कार्यालयका प्रमुख इन्स्पेक्टर कुशलकुमार बर्तौलालले जानकारी दिए ।
त्यसैगरी, शीत पर्न छाडेकाले बर्दघाटतर्फ जाममा परेका सवारी साधनहरू पश्चिमतर्फ पठाउन थालिएको पश्चिम नवलपरासी ट्राफिक प्रहरी कार्यालयका वरिष्ठ प्रहरी नायब निरीक्षक(वरिष्ठ सइ) प्रेम पोखरेलले जानकारी दिए ।
प्रतिक्रिया दिनुहोस !
