धमाधम बन्दै मतदान केन्द्र

निर्धक्क भएर मतदान गर्न आग्रह

धमाधम बन्दै मतदान केन्द्र
सुन्नुहोस्

नुवाकोट : प्रतिनिधिसभा सदस्य निर्वाचनका लागि नुवाकोटका सबै मतदान केन्द्रमा निर्वाचन सामग्री पुगेको छ । धमाधम मतदान केन्द्रका संरचना निर्माण कार्य भइरहेको छ । 

नुवाकोटको दुई वटा निर्वाचन क्षेत्रमा कायम गरिएका एक अस्थायीसहित दुई सय ९४ वटै मतदान केन्द्रका लागि मतपत्रसहितका आवस्यक निर्वाचन सामग्री पुगिसकेको मुख्य निर्वाचन अधिकृतको कार्यालय विदुर नुवाकोटले जनाएको  छ । मतदान केन्द्रमा वार लगाउनेलगायतका कार्य धमाधम भइरहेका छन् । 

सम्बन्धित मतदान केन्द्रका मतदान अधिकृत र सहायक मतदान अधिकृतले निर्वाचन कार्यालयबाट मतदान सामग्री बुझेर सम्वन्धि केन्द्रमा पुगिसकेको मुख्य निर्वाचन अधिकृत कोमलप्रसाद आचार्यले जानकारी दिए । उनका अनुसार मतदानका लागि चाहिने भौतिक संरचना तयार गर्ने कार्य भइरहेको छ । 

आचार्यले अगाडि भने, ‘नुवाकोटमा निर्वाचनको सम्पूर्ण तयारी पूरा भएर मतदान गर्न मात्र बाँकी छ । मतदान अधिकृत र सहायक मतदान अधिकृतसहतिका कर्मचारीहरु मतपत्रसहितका सामग्री लिएर सुरक्षित साथ मतदान केन्द्रमा पुगिसकेका छन् ।’ ‘नुवाकोटमा शान्ति, सुरक्षालगायत केही समस्या छैन । अब मतदान, मतदान पश्चात मतपत्र ढुवानी र मतगणनासम्मको तयारी गरिएको छ’, प्रमुख जिल्ला अधिकारी शम्भुप्रसाद रेग्मीले भने ।

nullविदुर नगरपालिका–२ नागटारीस्थित कभर्ड हल मतदान केन्द्रका मतदान अधिकृत प्रदीपनाथ शर्माले आफूहरु मंगलबारदेखि नै सम्पूर्ण सामग्रीसहित मतदान केन्द्रमा आइपुगेको बताए ।  उनले सर्वपक्षीय वैठक राखेर आवस्यक तयारी समेत गरिसकेको बताए । 

आफ्नो केन्द्रमा कर्मचारी तथा सुरक्षाकर्मीहरु निर्वाचन गराउन उच्च मनोबलका साथ उत्साहित भएर मतदान केन्द्रको संरचना निर्माणमा लागिरहेको बताए । ‘निर्वाचनलाई लिएर हामी उत्साहित छौँ, कर्मचारी र सुरक्षाकर्मीको हाम्रो टोली मतदान केन्द्रमा छौँ ।’ ‘मतदान बुधबार पनि बाँकी कार्यहरु मतदान केन्द्रमा गर्नुपर्ने सूचना टाँस, सर्वदलीय बैठकलगायतका काम गर्छौ’, शर्माले भने  । मतदान अधिकृतले मतदान केन्द्रमा चुनावका दिनका लागि तीन जना स्वयंसेवक नियुक्त गर्न सक्ने व्यवस्था छ ।

निर्वाचनका लागि कर्मचारी खटनपटन निर्देशिकाअनुसार ५०० भन्दा कम मतदाता भएको मतदान केन्द्रमा पाँच जना कर्मचारी रहेका छन् । जसमा एक जना मतदान अधिकृत, एक सहायक मतदान अधिकृत, तीन सहायक कर्मचारी र एक जना सहयोगी कर्मचारी रहने छन् । नुवाकोटमा विभिन्न राजनीतिक दल तथा स्वतन्त्र गरी ३० जना उम्मेदवार चुनावी मैदानमा रहेका छन् । क्षेत्र नं. १ मा एकलाख २३ हजार नौसय २९ र क्षेत्र नं. २ मा एकलाख २३ हजार नौसय ३९ जना मतदाता रहेका छन् । 
 


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.