नुवाकोट : प्रतिनिधि सभा सदस्य निर्वाचन अन्र्तगत विहीवार नुवाकोटसहित देशैभर मतदान कार्य भइरहेको छ । अस्थायी मतदान केन्द्र रहेको केन्द्रीय कारागार नुवाकोटमा मतदान सकिएको छ ।
विदुर नगरपालिका–६ चण्डीपोखरीस्थित केन्द्रीय कारागार नुवाकोटमा रहेको अस्थायी मतदान केन्द्रमा ९५ प्रतिशत मत खसेर मतदान सम्पन्न भएको हो । सो केन्द्रमा रहेका एकसय ४५ मध्ये एक सय ३५ जना मतदाताले मतदान गरिसकेको मतदान अधिकृत मानवहादुर मानन्धरले जानकारी दिए ।
उनका अनुसार एक सय ४२ जना कैन्दीवन्दी र तीन जना कर्मचारीसहित एक सय ४५ जना अस्थायी मतदाता रहेकोमा एकसय ३५ मत खसेको हो । नामावली रहेका सात जना कैदीवन्दी कोही कैद भुक्तान गरेर घर गएको र कोही अन्यत्र कारागार सरुवा भएकोमा ९५ प्रतिशत मत खसेको जनाइएको छ ।
केन्द्रीय कारगार नुवाकोटमा कायम गरिएको अस्थायी मतदान केन्द्रमा रहेका कैदीवन्दी एक सय ३२ र तीन जना मतदान कर्मचारीले मतदान गरेका हुन् । उक्त कारागारमा रहेका कैदीवन्दीहरुका लागि कारागारमै अस्थायी मतदान केन्द्र कायम गरिएको थियो ।
तीन घण्टामै सो मत खसेको निर्वाचन अधिकृत मानबहादुर मानन्धरले जानकारी दिए ।
उनका अनुसार मतदान ९५ प्रतिशत भएपछि निर्वाचन आयोगको निर्देशन अनुसार कार्य सम्पादन गरिएको छ । केन्द्रीय कारगार नुवाकोटमा एकसय ४२ जना कैदीवन्दी र अन्य तीन जना अस्थायी मतदाता नामावलीमा नाम समावेश रहेका कर्मचारीसमेत गरि एक सय ३५ जनाले मतदान गरेका हुन् । निर्वाचन अधिकृत मानन्धरका अनुसार मतपेटिका भने वेलुकी ५ वजेसम्म नै मतदान केन्द्रमा राखिने छ ।
प्रतिक्रिया दिनुहोस !
