बलात्कार तथा यौनजन्य हिंसापीडितलाई छिटो न्याय दिन कानुन सुधार गरिने
चैत १३, २०८२ शुक्रबार १६:८:५
काठमाडौं : नव निर्वाचित कानुन, न्याय तथा संसदीय मामिलामन्त्री सोविता गौतमले केही गम्भीर अपराधका घटनामा पीडितलाई छिटो भन्दा छिटो न्याय दिलाउन कानुनी सुधार गर्ने बताएकी छिन् ।
शुक्रबार मन्त्रालयमा पदभार ग्रहण गर्दै मन्त्री गौतमले जबरजस्ती करणी र जबरजस्ती करणीपश्चात् हुने हत्याजस्तो जघन्य कसुर, यौनजन्य हिंसा, बालबालिकासम्बन्धी कसुरलगायतमा पीडितलाई छिटो भन्दा छिटो न्याय दिलाउन कानुनी सुधार गर्ने बताइन् ।
यस्ता घटनामा संलग्नलाई दण्ड, सजाय र पीडितलाई शीघ्र न्यायको लागि अपराध संहितालगायतका कानुनहरूमा देखिएका अवरोध पहिचान गरी अध्ययन गर्ने निर्णय समेत उनले गरेकी छन् । उनले कानुनहरूमा देखिएका अवरोध पहिचान गरी अध्ययन गर्न कार्यदल गठन र सम्बद्ध कानुनमा संशोधन कार्य अघि बढाउने बताइन् । उनले आवश्यक कानुनहरुलाई संसदबाट छिटो अघि बढाउन प्रभावकारी भूमिका खेल्ने उल्लेख गरिन् ।
प्रतिक्रिया दिनुहोस !
