पाकिस्तानका गृहमन्त्री इरानको मशहद शहर पुगे, वार्ता गर्न राजधानी जाने
असार ६, २०८३ शनिबार १९:५३:७
पाकिस्तानी गृहमन्त्री मोहसिन नक्वी इरानको मशहद शहर पुगेका छन्। इरानको आधिकारिक समाचार एजेन्सी इरनाका अनुसार इरान पुगेका उनले इमाम रेजाको चिहानको भ्रमण गर्नेछन्। त्यसपछि अधिकारीहरूसँग वार्ता गर्न राजधानी तेहरान जानेछन्।
बीबीसी फारसीले केही रिपोर्टहरूलाई उद्धृत गर्दै पाकिस्तानी गृहमन्त्रीले स्विट्जरल्याण्डमा अमेरिका र इरानबीचको प्रत्यक्ष वार्ता पुनः सुरु गर्ने बारेमा छलफल गर्न लागेका हुन्।
यसैबीच, इरानी विदेश मन्त्रालयका प्रवक्ता इस्माइल बकाईले पाकिस्तानी गृहमन्त्रीको भ्रमण इरान-अमेरिका वार्ताको सम्बन्धमा पाकिस्तानको प्रयासलाई अगाडि बढाउनको लागि भएको बताएका छन्।
बीबीसी पर्सियन सेवाले रोयटर्सलाई उद्धृत गर्दै इरान र अमेरिकाबीचको सम्झौता कार्यान्वयनको बारेमा वार्ता अझै जारी रहेको जनाएको छ।
रोयटर्सका अनुसार स्विस विदेश मन्त्रालयले विज्ञप्ति जारी गरेर इरान-अमेरिका समझदारी पत्रको कार्यान्वयनसँग सम्बन्धित वार्ताका लागि बर्गेनस्टकमा गोप्य र भरपर्दो स्थान प्रदान गर्ने छ।
गोपनीयताका कारण वार्ताकारहरू र वार्ताहरूका बारेमा थप जानकारी सार्वजनिक नगरिने विज्ञप्तिमा उल्लेख छ।
प्रतिक्रिया दिनुहोस !
