जीडब्ल्युएम ओआरए–५ ले लण्डन डिजाइन अवार्ड्स–२०२५ मा जित्यो ‘डिजाइन अफ द इयर’
असार १७, २०८३ बुधबार १७:३८:५९
काठमाडौं : नेपालमा सार्वजनिक भएको एक सातामै जीडब्ल्युएमको नयाँ विद्युतीय एसयूभी ओआरए–५ ले अटोमोबाइल बजारमा व्यापक चर्चा बटुलिरहेको छ । यसैबीच, यो मोडेलले अन्तर्राष्ट्रियस्तरमा पनि ठूलो सफलता हासिल गर्दै प्रतिष्ठित लण्डन डिजाइन अवाड्र्स–२०२५ अन्तर्गत ‘प्रोडक्ट डिजाइन–अटोमोबाइल्स-भेहिकल्स’ विधामा ‘डिजाइन अफ द इयर’ उपाधि जितेको छ ।
यस उपलब्धिले ओआरए–५ को आकर्षक डिजाइन मात्र होइन, अत्याधुनिक प्रविधि, प्रयोगकर्ता–केन्द्रित सोच र स्मार्ट मोबिलिटीप्रतिको कम्पनीको दृष्टिकोणलाई अन्तर्राष्ट्रियस्तरमा थप स्थापित गरेको छ ।
‘प्रकृतिबाट प्रेरित, सहरका लागि निर्मित’
अत्याधुनिक प्रविधि र सुरक्षा सुविधा
ओआरए–५ मा २०० मिलिमिटर ग्राउन्ड क्लियरेन्स, ३६० डिग्री क्यामेरा, १८० डिग्री च्यासिस भ्यु क्यामेरा, सेल्फ–हिलिङ पेन्ट, प्यानोरामिक मुनरुफ लगायतका विशेषताहरू छन् । सुरक्षाका लागि ७ एयरब्याग, उच्च–सबल स्टिल बडी स्ट्रक्चर, र अन्तर्राष्ट्रिय ५–स्टार सुरक्षा मूल्याङ्कन प्रणाली समावेश गरिएको छ । साथै २० भन्दा बढी एड्भान्स्ड ड्राइभर असिस्ट सिस्टमले ड्राइभिङलाई थप सुरक्षित बनाएको छ ।
ड्राइभिङ दायरा र प्रदर्शन
यो विद्युतीय एसयूभीले एक पटकको पूर्ण चार्जमा करिब ५२० किलोमिटर सम्मको दायरा प्रदान गर्छ । यसको प्रारम्भिक मूल्य नेपाली बजारमा करिब रु. ४६ लाख ९९ हजार बाट सुरु हुन्छ ।
नेपालमा बढ्दो आकर्षण
नेपालमा सार्वजनिक भएको छोटो समयमै ओआरए–५ ले डिजाइन, प्रविधि र सुरक्षाका कारण ग्राहक तथा अटोमोबाइल पारखीहरूबीच सकारात्मक प्रतिक्रिया पाएको छ । यसले नेपाली विद्युतीय सवारी बजारमा नयाँ प्रतिस्पर्धा र उत्साह थपेको छ ।
प्रतिक्रिया दिनुहोस !
