एआई प्रविधि होसियारीपूर्वक चलाउनुपर्छ : केयूका संस्थापक उपकूलपति शर्मा

काठमाडौं : काठमाडौं विश्वविद्यालयका संस्थापक उपकूलपति प्रा.डा.सुरेशराज शर्माले एआई प्रविधि होसियारीपूर्वक चलाउनुपर्ने बताएका छन्। अन्नपूर्ण मिडियाको सुपर एप सम्पूर्ण लन्च कार्यक्रममा बोल्दै उनले एआईजस्ता पछिल्लो प्रविधि सचेत भएर चलाउनुपर्ने बताएका हुन्।

'एआईको जमाना आएको छ। नयाँ प्रविधि राम्रो चाहिँ हो। तर,सचेत भएन भने नराम्रो पनि हुनसक्छ। एकदमै होसियारी भएर प्रयोग गर्नुपर्छ,' उनले भने।

उनले आफूहरूको जमानामा यस्ता प्रविधि नरहेको स्मरण गर्दै नयाँ पुस्ताले नयाँ नयाँ प्रविधिको प्रयोग होसियारीपूर्वक चलाउनुपर्ने बताए।