पेटभरी खान नपाउने चेपाङलाई सहयोग
गोरखाः अतिबिपन्न गोरखाको घ्याल्चोक ६ छतिनगैराका डन्नु चेपाङलाई बिभिन्न सहयोगदाताहरुले खाद्यान्न तथा आर्थिक सहयोग गरेका छन् । ‘पेटभरी खान नपाउने चेपाङको कथा' भन्ने समाचार अन्नपूर्ण पोष्टमा प्रकाशन भएपछि पोखराका सहयोगीहरुले चेपाङ परिवारलाई सहयोग गरेका हुन् ।
‘एस हेल्पिङ ह्याण्ड्स' नामको अभियानका सञ्चालक दिनेश थापाले चेपाङ परिवारको घरमै पुगेर खाद्यान्न, लगाउने, ओढ्ने तथा ओछ्याउने कपडा, डन्नु चेपाङका दुई छोराहरुलाई पढ्न, लेख्न स्टेशनरी सामान र नगद प्रदान गरिएको हो ।
आफ्नो आम्दानीबाट अति बिपन्नहरुलाई सहयोग गर्ने उद्देश्यले सो अभियान चलाएका उनले अन्नपूर्णपोष्टमा डन्नु चेपाङको गरीबीको बारेमा प्रकाशित समाचार पढेर उनलाई सहयोग गरेको बताए ।
विपन्न चेपाङका घरमा जन्मदिन
छोरा आयामको जन्म दिनको अबसरमा डन्नु चेपाङलाई सहयोग गर्दै रामकुमार ढकाल ।
पोखराकै ‘एनजी कलर हाउस'का सञ्चालक रामकुमार ढकाल र गौरी ढकालले आफ्नो छोरा आयाम ढकालको जन्मदिन डन्नु चेपाङको घरमा पुगेर मनाएका छन् ।
चौथो जन्मदिनको अबसरमा ढकाल परिवारले साँझ बिहान पेटभरी खान नपाउने डन्नुको परिवारलाई दाल, चामल, चिनी, चियापत्ति, च्यूरा, फलफूल तथा डन्नु र उनकी आमा तथा दुई छोराहरुका लागि लगाउने कपडा, ओड्ने ओछ्याउने सिरक, डसना प्रदान गरेका हुनु ।
छोरा आयामको जन्म दिनको अबसरमा डन्नु चेपाङलाई सहयोग गर्दै रामकुमार ढकाल ।
प्रतिक्रिया दिनुहोस !
