अर्जेन्टिनाका प्रशिक्षकले राजीनामा दिए
काठमाडौं: कोपा अमेरिकाको सयौं संस्करणको फाइनलमा चिलीसँग उपाधि गुमाएपछि अर्जेन्टिनाका प्रशिक्षक जेर्राडो मार्टिनोले पदबाट राजीनामा दिएका छन् ।
बार्सिलो फुटबल क्लबका पूर्वप्रशिक्षक ५३ वर्षीय मार्टिनोले २६ वर्षदेखिको अर्जेन्टिनाको उपाधिको खडेरी तोड्न असफल भएपछि आफ्नो जिम्मेवारीबाट राजीनामा दिएका हुन् ।
चिलीसँगको दोस्रो उपाधि भिडन्तमा ४–२ ले पराजित भएपछि अर्जेन्टिनाका कप्तान लियोनेल मेसीले समेत अन्तर्राष्ट्रिय फुटबलबाट सन्यास घोषणा गरेपछि मार्टिनो दबाबमा थिए ।
अर्जेन्टिनाका केही खेलाडीहरुले प्रशिक्षक मार्टिनोमाथि क्लबस्तरको प्रशिक्षक बन्ने ध्याउन्नमा लागेको आरोप लगाइरहेका बेला उनको राजीनामा आएको हो ।
सन् २०१४ मा प्रशिक्षक बनेका मार्टिनोले अर्जेन्टिनाका लागि १९ खेलमा जित निकालेका थिए । तर, उपाधि होडमा चिलीसँग हारेपछि मार्टिनो फेरि क्लबस्तरको प्रशिक्षक फर्कने भएका छन् ।
मार्टिनोको राजीनामा आएपछि अगस्ट ४ बाट ब्राजिलको रियोमा हुने ओलम्पिकका लागि अर्जेन्टिनाले नयाँ प्रशिक्षक खोज्न थालेको छ ।
अर्जेन्टिानकै नागरिक प्रशिक्षक मार्टिनो बाहिरिएसँगै अर्जेन्टिनालाई खेलाडी छनोटमा पनि समस्या भएको छ । मेसीसँगै अन्य खेलाडीले पनि सन्यास लिने बताएपछि अर्जेन्टिना अफ्ठेरोमा परेको छ।
प्रतिक्रिया दिनुहोस !
