ट्रम्प मजदुरको पनि सम्मान गर्न जान्दैनन्ः ओबामा
एजेन्सीः अमेरिकी राष्ट्रपति बाराक ओबामाले रिपब्लिक पार्टीका राष्ट्रपति उम्मेदवार डोनाल्ड ट्रम्पको खुलेर आलोचना गरेका छन् ।
ओबामाले मजदुरको समेत सम्मान गर्न नसक्ने ट्रम्पले अमेरिकाको सम्मान गर्न नसक्ने टिप्पणी गरेका हुन् । फिलाडेल्फियामा डेमोक्रयाटिक पार्टीको राष्ट्रिय सम्मेलनलाई सम्बोधन गर्दै ओबामाले भने, ‘ट्रम्पले मजदुरको समेत सम्मान गर्न जान्दैनन् ।’
ओबामाले एक व्यापारीमात्र भएकाले ट्रम्पसँग अमेरिका बनाउने कुनै योजना नभएको समेत आरोप लगाएका छन् । ‘ट्रम्प एक व्यवसायी हुन् । उनीसँग न भविष्यको योजना छ न त तथ्यबारे नै जानकारी छ,’ ओबामाले भने ।
अमेरिकाको भविष्यप्रति आफू आशावादी भएको बताउदै ओबामाले त्यो आशाको केन्द्र डेमोक्रयाटिक पार्टीकी राष्ट्रपति उम्मेदवार हिलारी क्लिनट मात्र भएको समेत उल्लेख गरेका छन् ।
ओबामाले क्लिन्टन अमेरिकाको आशा र ट्रम्प डर रहेको बताउदै आशा रोज्ने कि डर भन्ने कुरा अमेरिकी नागरिकले निर्णय गर्नुपर्ने समेत बताएका छन् । सबै धर्म र रंगका मानिस मिलेर अमेरिकालाई मजबुत बनाउनुपर्ने ओबामाको भनाइ छ ।
भाषणका क्रममा ओबामाले अधिकांश समय क्लिन्टनको खुलेर प्रशंसा गरे । ओबामाको भाषणको पूर्णपाठ
प्रतिक्रिया दिनुहोस !
