काठमाडौंः सीएट टायर र ईनएआई लुब्रिकेन्ट्सको संयुक्त डिलर्स मिट सम्पन्न भएको छ । दुवै उत्पादनको अधिकारिक विक्रेता एसटीसी प्रालिले डिलर्स मिट आयोजना गरेको हो ।
डिलर्स मिटमा ७० भन्दा बढी डिलर्सको उपस्थिति थियो । तीन दिनसम्म चलेको मिटमा प्रथम हुने डिलर्सलाई सम्मान तथा पुरस्कार प्रदान गरिएको कम्पनीले जनाएको छ । टायर सेगमेन्टतर्फ प्रणाम इन्टरनेसनल डिलर इटहरीका राधाप्रसाद ढकाल र शुभ श्री ट्रेडर्स, उर्लाबारीका गोपाल कटुवाल प्रथम भएका छन् ।
यसैगरी लुब्रिकेन्टसतर्फ सुरज इन्टरप्राइजेज दमकका पिताम्बर न्यौपाने र शुभकामना अटोमोबाइल्स ढुंगाअड्डा काठमार्डौका उमेश्वर लुइटेल प्रथम भएका छन् । कम्पनीका अनुसार सीएट टायर नेपाली बजारमा दोस्रो स्थानमा छ भने ईएनआई लुब्रिकेन्टस चौथो स्थानमा छ ।
भेलामा सहभागी डिलर्सका बीच गल्फ प्रतियोगिता र पेन्टबल प्रतियोगिता गरिएको थियो ।
प्रतिक्रिया दिनुहोस !
