बंगलादेशका पूर्वसांसदले मृत्युदण्डविरुद्ध अपिल गर्ने

बंगलादेशका पूर्वसांसदले मृत्युदण्डविरुद्ध अपिल गर्ने

ढाकाः बंगलादेशका पूर्वसांसद सेखावत हुसैनले आफूलाई दिइएको मृत्युदण्डको सजायका विरुद्धमा सर्वाेच्च अदालतमा अपिल गर्ने भएका छन् ।

बंगलादेशको युद्धअपराधसम्बन्धी एक विशेष अदालतले पूर्वसांसद हुसैनलाई मृत्युदण्डको सजाय सुनाएको थियो । चार दिनअघि उक्त अदालतले सुनाएको फैसलाका विरुद्ध सांसद हुसैनले यस्तो अपिलको निर्णय गरेको उनका अधिवक्ताले जानकारी दिएका छन् ।

उक्त अदालतले उनीसहित अरू सातजना राजनीतिकर्मीलाई पनि युद्धअपराध गरेको आरोपमा जन्मकैदको फैसला सुनाएको थियो ।
सन् १९७१ मा बंगलादेशमा भएको स्वतन्त्रता आन्दोलनमा ती सांसदले युद्धअपराध गरेको ठहर त्यस अदालतले गरेको छ । तिनै सांसदलाई सघाएको आरोपमा सातजनालाई अदालतले जन्मकैदको सजाय सुनाएको हो ।

त्यस समयका राजनीतिक दलका नेता सेखावत हुसैनले सन् १९७१ को स्वतन्त्रता संग्रामको समयमा स्वतन्त्र बंगलादेशको पक्षमा लागेका नागरिकको हत्या गरेका थिए । उनीमाथि हत्या, बलात्कार र लुटपाटको आरोप छ ।

बंगलादेशको राजधानी ढाकामा रहेको युद्धअपराधसम्बन्धी अदालतमा भइरहेको सुनुवाइपछि अदालतले उनलाई गत बुधबार दोषी ठहराएको थियो । सेखावत हुसैन सन् १९९१ मा बंगलादेशका सांसद भएका थिए । अहिले पनि उनी बंगलादेशका एकजना राजनीतिकर्मी हुन् ।

बंगलादेशकी प्रधानमन्त्री सेख हसिना वाजेदले सन् २००९ मा युद्धअपराधसम्बन्धी उक्त अदालत स्थापना गरेकी हुन् । त्यसयता यस अदालतले बंगलादेश स्वतन्त्रताको क्रममा सन् १९७१ ताका भएका युद्धअपराधको छानबिन गरी दर्जनौं नेतालाई सजाय सुनाएको छ ।

बंगलादेशले सुरु गरेको स्वतन्त्रता संग्रामको समयमा भएको आमहत्या, बलात्कार, एवं कैयौं ज्यादतीका विरुद्ध यस अदालतले कारबाही गर्दै आएको छ । त्यस समयमा बंगलादेशम व्यापक मात्रामा युद्ध अपराध भएको बताइन्छ ।


प्रतिक्रिया दिनुहोस !

सम्बन्धित खबर

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.