विभिन्न उद्योगमा सिलबन्दी, दुई सय किलो मासु नष्ट
काठमाडौँ: सरकारले नियविपरित सञ्चालन भएका विभिन्न सात उद्योगमा सिलबन्दी गरेको छ । मंगलबार आपूर्ति मन्त्रालय, आपूर्ति व्यवस्थापन तथा उपभोक्ता हित संरक्षण मञ्च, खाद्य संस्थान नेपाल र राष्ट्रिय उपभोक्ता मञ्चले संयुक्तरुपमा गरेको अनुगमनबाट नियमविपरीत सञ्चालन भएका सात उद्योगमा सिलबन्दी गरिएको आपूर्ति विभागका निर्देशक लक्ष्मण श्रेष्ठले जानकारी दिए ।
उनका अनुसार सिलबन्दी गरिएका सातमध्ये तीन खानेपानी उद्योग, तीन औषधि पसल तथा पोलिक्लिकल र एक पेट्रोलपम्प रहेका छन् ।
सिलबन्दी गरिएका तीन पानी उद्योगमा बूढानीलकण्ठका क्षेत्रका रहेका छन् । अनुगमनका क्रममा नवीकरण नगरेका सिनामङ्गल क्षेत्रका तीन औषधि पसल पनि बन्द गरिएको छ ।
मन्त्रालयले दूध, पानी, खाद्यान्न, औषधि, पेट्रोललगायत ११ आम उपभोक्ता सङ्घ प्रत्यक्ष सरोकार वस्तुका उपत्यका क्षेत्रका ५५ उद्योग व्यवसायमा अनुगमन गरेको छ ।
उपभोक्तालाई गुणस्तरहिन मासु बिक्रि गरेको अभियोगमा आपूर्ति मन्त्रालयले दुई सय किलो कुखुराको मासु नष्ट गरेको छ । मन्त्रालयको अनुगमन टोलीले सोह्रखुट्टेमा फोहोर अवस्थाको कुखुराको मासु उपभोक्तालाई बिक्रि गर्न खोज्दा चिकेन हाउस भन्ने पसलबाट एक सय ८३ किलो मासु नियन्त्रणमा लिएर नष्ट गरेको हो ।
सोही टोलीले सिनामंगल क्षेत्रमा दुईवटा क्लिनिक र एउटा फार्मेसीमा सीलवन्दी गरेको हो । मन्त्रालयले विभिन्न सरोकारवाला निकायको सहभागीतामा १२ वटा टोली गठन गरेर सोमबारदेखि बजार अनुगमन सुरु गरेको हो ।
प्रतिक्रिया दिनुहोस !
