बलिउड अभिनेत्री दीपिका पादुकोण सर्वाधिक कमाई गर्ने नायिका मध्ये १० औ स्थानमा रहेकी छन् ।
फोब्स पत्रिकाले सार्वजनिक गरेको सूचीमा उनी १० औ स्थानमा रहेकी छन् । बलिउडबाट यतिधेरै कमाई गर्ने नायिकाको सूचीमा भने उनी एक्ली हुन् ।
जुन १, २०१५ देखि १ जुन २०१६ को अवधिमा दीपिकाले एक करोड डलर आम्दानी गरेको फोब्सले जनाएको छ ।
बलिउडमा 'रेस', 'कोकटेल', 'चेन्नेई एक्प्रेस', 'रामलीला', 'ये जवानी है दिवानी', 'बाजीराव मस्तानी'लगायतका उत्कृष्ट चलचित्रमा अभियन गरेकी उनी अब हलिउडमा पनि प्रवेश गर्ने तयारी थालेकी छन् । उनी अहिले हलिउड अभिनेता बिन डिजलको फिल्म 'ट्रिपल एक्स द रिटन्र्स अफ जेन्डर क्रेज' को सुटिङ गरिरहेकी छन् । उनले अभियन गरेको चलचित्र आगामी जनवरी २० मा रिलिज हुनेछ ।
मोडलिङबाट अभिनय क्षेत्रमा हात हालेकी दीपिकाले कलेज जीवनबाटै मोडलिङ सुरु गरेकी थिइन् । बेङ्लोरको नेशनल ल कलेजमा पनि उनले रेम्प वक गरेकी थिइन् ।
उनी २००६ मा किंगफिशर केलेन्डर गर्ल बनेकी थिइन् । त्यसपछिका दिनमा उनले लगातार सफलता हात पार्दै अघि बढिन् । हिमेश रेशमियाको म्युजिक भिडियो नाम है तेरामा काम गरेकी दीपिकाले २००७ मा शाहरुख खानको चलचित्र ओम शान्ति ओमबाट बलिउड क्षेत्रमा कदम राखेकी थिइन् ।
प्रतिक्रिया दिनुहोस !
