कतार एयरवेजलाई उपाधि
काठमाडौः कतार एयरवेज ‘बेस्ट अप इन दि एयर’ उपाधिद्वारा सम्मानित भएको छ । लास भेगासमा आयोजित फ्यूचर ट्राभल एक्सपेरियन्स ग्लोबल २०१६ मा एयरवेज बेस्ट अप इन दि एयर उपाधिद्वारा सम्मानित भएको हो । योसँगै कम्पनीले लगातार दुईपटक यो उपाधि जित्न सफल भएको हो ।
पछिल्लो वर्ष पनि कतार एयरवेजले यो उपाधि जितेको थियो । यात्रु अनुभवलाई उत्कृष्टता प्रदान गर्न निरन्तर रूपमा प्रतिबद्ध अग्रणी एयरलाइन्सलाई प्रोत्साहन गर्नु ‘बेस्ट अप इन दि एयर' अवार्डसको लक्ष्य छ ।
उद्योगमै सर्वोत्कृष्ट इन फ्लाइैट अनुभव प्रदान गर्न कतार एयरवेजको अथक प्रयासको कदर स्वरुप यो उपाधि दिईएको कम्पनीले जनाएको छ । कतार एयरवेजका गु्रप चिप एक्जुकेटिभ अकबर अल बाकरले लगातार दोस्रो वर्ष पनि उपधिद्वारा सम्मानित हुन पाउँदा निकै गर्व लागेको बताएका छन् ।
कतार एयरवेजका वरिष्ठ उपाध्यक्ष (कस्टमर एक्स्पेरियन्स) रोसेन डिमिट्रोभले आफ्ना यात्रुलाई सदैव उत्कृष्टताको अनुभव दिनु नै आफ्नो उद्देश्य रहँदै आएको बताए । उनले सेवामा थप उत्कृष्टता ल्याउँदै यात्रुलाई अझ उत्कृष्ट अनुभव तथा सम्झना प्रदान गर्न यसले थप हौसला प्रदान गरेको बताएका छन् ।
एयरलाइन प्यासेन्जर एक्स्पेरियन्स एसोसिएसन (एपेक्स)का प्रमुख कार्यकारी अधिकृत जो लिडरले डिमिट्रोभलाई उक्त सम्मानित अवार्ड हस्तान्तरण गरेका कम्पनीले जनाएको छ ।
प्रतिक्रिया दिनुहोस !
