बन्दीले सामुहिक टीका लाएर दसैं मनाए
नुवाकोटः नुवाकोट जिल्ला कारागार ढुंगेका कैदी बन्दीले एक आपसमा खुशीयाली साटासाट गर्दै सामूहिक रुपमा दसैं मनाएका छन् । विभिन्न मुद्धामा परेर कैद सजाय पाएका तथा मुद्धा फैसला नहुन्जेलसम्मका लागि बन्दी जीवन विबताइरहेकाले कारागारभित्रै दसैं मनाएका हुन् ।
दसैंको टीकासँगै विभिन्न परिकार कारागार भित्रै बनाएर सबैले खाएको जिल्ला कारागार कार्यालय नुवाकोटले जनाएको छ । दसैंका लागि सरकारी तर्फबाट बन्दीका लागि मंगलबार आफन्तसंग टीका ग्रहणको प्रबन्ध मिलाइएको र अधिकांश बन्दीले सामुहिक रुपमा दसैं मनाएका हुन् ।
बन्दीहरुले कारागारमै मासुलगायतका अन्य परिकार खरिद गरि खाएका छन् । नुवाकोट कारागार भित्र रहेका एकसय ७७ कैदी बन्दीमध्ये एक सय ६० पुरुष र १७ महिलाले खुसी साट्दै दसैं मनाए ।
सरकारी तर्फबाट बन्दीका लागि तीन सय रुपैयाँ सिदा वापतको रुकम प्राप्त हुंदै आएको छ । रकम उठाएर ४५ हजार रुपैयाँको रांगो र २० हजार रुपैयाको खसी काटेर सामुहिक रुपमा भोजन गरी कारागार भित्र दसैं मनाएको कारागारले जनाएको छ ।
विदुर नगरपालिका १ ढुंगे बजारमा रहेको कारागार परिसरमा सुरक्षाकर्मीको घेरा भित्र कैदी बन्दीहरुलाई आफन्तजनसंग पनि टीका लगाउने व्यवस्था मिलाइएको थियो ।
कतिपय बन्दीका परिवारजनले कारागार परिसरमै पुगेर दसैंको टीका लगाइदिएका छन् । कारागार प्रशासनले यो प्रक्रियालाई कोजाग्रत पूर्णिमासम्म निरन्तरता दिने बताएको छ ।
प्रतिक्रिया दिनुहोस !
