चेल्सीसँग म्यानचेस्टर युनाइटेडको लज्जास्पद हार
काठमाडौंः म्यानचेस्टर युनाइटेडले चेल्सीसँग लज्जास्पद हार ब्यहोरेको छ। इंग्लिस प्रिमियर लिगको गएराति भएको खेलमा म्यानचेस्टर युनाइटेड चेल्सीसँग ४–० को लज्जास्पद हार ब्यहोर्न बाध्य भयो।
खेलको पहिलो मिनेटमै पेड्रोले गोल गर्दै चेल्सीलाई सुरुवाती अग्रता दिलाए। २१ औं मिनेटमा ग्यारी काहिलले गोल गरेपछि चेल्सीले २–० को अग्रता लियो।
पहिलो हाफमा २–० को अग्रता लिएको चेल्सीले दोस्रो हाफमा थप दुई गोल गर्यो।
खेलको ६२ औं मिनेटमा हाजार्डले गोल गर्दै टोलीलाई ३–० को अग्रता दिलाए। एकपछि अर्को आक्रमण बुनेको चेल्सीका लागि खेलको ७० औं मिनेटमा कान्टेले गोल गरेपछि म्यानचेस्टर युनाइटेड ४–० को लज्जास्पद हार ब्यहोर्न बाध्य भयो।
जितपछि चेल्सी ९ खेलबाट १९ अंक जोड्दै प्रिमियर लिग फुटबलको चौथो स्थानमा उक्लिएको छ भने म्यानचेस्टर युनाइटेड समान खेलबाट १४ अंकका साथ सातौ स्थानमा छ।
प्रतिक्रिया दिनुहोस !
