हतियारसहित पाँच जना पक्राउ
रोल्पाः रोल्पामा हतियारसहित पक्राउ परेका छन् । प्रहरीले उत्तरी सिउरी पुगेर पाँच जनालाई पक्राउ गरेको हो ।
प्रहरीका अनुसार राष्ट्रिय मूलबासी मंगोलियन फोर्स नेपालको नामबाट गतिविधि गर्ने सिउरी ८ का ३० वर्षीय रामबहादुर बुढामगर सहितलाई प्रहरीले पाँच जना पक्राउ परेका हुन् ।
प्रहरी नायब निरीक्षक रामप्रसाद घर्ती मगरका अनुसार पक्राउ पर्नेहरु पाँचैजना सिउरी गाविसका छन । सिउरी ९ का ३२ वर्षीय चन्द्रबहादुर घर्तीमगर, सिउरी ८ का ३२ वर्षकै लोकबहादुर बुढामगर, सिउरी ७ का ३१ वर्षीय जोखबहादुर घर्तीमगर र सिउरी १ का दुजमान घर्तीमगर छन ।
प्रहरीले चन्द्रबहादुरको घरमा लुकाई राखिएको मंगोलियन फोर्सका हातहतियार सहितका सामग्री फेला पारेको जनाएको छ । भरुवा बन्दुक ८ थान, भरुवा बन्दुकको नाल १ र पार्टपुर्जा, फलाम र सिसाका गोली २२ थान, भरुवा बन्दुकमा प्रयोग हुने सिसाका छर्रा १ सय १८ थान, पेट्रोल २ लिटर, खुकुरी थान १, बारुद २ सय ग्राम बरामद गरेको छ ।
फोर्सको लोगो अंकिट झण्डा ३ वटा, कम्ब्याट पाईन्ट ५ थान, स्लिपिङ ब्याग र प्राथमिक उपचारका सामाग्री फेला परेको भन्दै प्रहरीले सार्वजनिक गरेको छ । केही महिना अघि रुकुममा कम्ब्याट पोसाक सहित हतियारधारी समूहले तालिम लिएको खुलेको थियो ।
पक्राउ पर्ने रामबहादुर र सामग्री सोही समूहको भएको प्रहरी नायव उपरिक्षक घर्तीमगरले बताए । रुकुममा उनीहरुको व्यापक खोजी भएपछि उनीहरु रोल्पाको उत्तरी मगरवस्ती तिर सुरक्षित हुन सेल्टर लिएको प्रहरीको अनुमान छ ।
प्रतिक्रिया दिनुहोस !
