काठमाडौं: एनएमबी बैंकले महानगरीय ट्राफिक प्रहरी महाशाखालाई ड्रोन प्रदान गरेको छ । बैंकले आफ्नो संस्थागत सामाजिक उत्तरदायित्वअन्तर्गत महानगरीय ट्राफिक प्रहरी महाशाखालाई ड्रोन सहयोग गरेको हो । यसबाट महानगरीय ट्राफिक प्रहरीको प्राविधिक क्षमता अभिवृद्धिमा थप सहयोग पुग्ने बैंकको विश्वास छ ।
महानगरीय ट्राफिक प्रहरी महाशाखाको प्रधान कार्यालय, सिंहदरबारमा आयोजित एक विशेष समारोहमा एनएमबी बैंक लिमिटेडका प्रमुख कार्यकारी अधिकृत उपेन्द्र पौडेलले उक्त ड्रोन प्रहरी नायब महानिरीक्षक प्रकाश अर्याललाई हस्तान्तरण गरेका थिए । हस्तान्तरण कार्यक्रममा महानगरीय ट्राफिकद्वारा उक्त ड्रोनको परीक्षण उडान पनि गरिएको थियो ।
समारोहलाई सम्बोधन गर्दै सिईओ पौडेलले महानगरीय ट्राफिक प्रहरीद्वारा ट्राफिक व्यवस्थापनको क्षेत्रमा गर्दै आएको कामको प्रशंसा गरे । उनले ट्राफिक प्रहरीले ट्राफिक नियम र प्रणालीलाई अन्तर्राष्ट्रिय मूल्य मान्यता अनुरूप सुदृढ बनाउन गरेको प्रयासमा ड्रोनले थप सहायता पुग्ने बताए ।
प्रतिक्रिया दिनुहोस !
