बार्सिलोना र रियल दुवैको जित, उपाधि होड रोमाञ्चक

काठमाडौं : शनिबार राती भएका ला लिगा अन्तर्गतका खेलमा उपाधि होडमा रहेका बार्सिलोना र रियल मड्रिय दुवै आ-आफ्ना खेलमा जित निकाल्न सफल भएका छन् । दुवैको जितपछि उपाधि होड झनै रोमाञ्चक बनेको छ ।

शनिबार रातिको खेलमा शीर्ष स्थानमा रहेको बार्सिलोनाले स्पानियोललाई ३-० ले पारजित गरेको छ । बार्सिलोनाको जितका लागि लुइज सुवारेजले दुर्इ गोल गरे भने इभानले एक गोल गरे । पहिलो हाफमा बराबरीमा रोकिएको बार्सिलोनाले दोस्रो हाफमा तीन गोल गर्न सफल भयो । सुवारेजले ५० औं र ८७ औं मिनेटमा गोल गरे भने इभानले ७६ औं मिनेटमा गोल गरे

त्यसैगरी शनिबार राति नै भएको अर्काे खेलमा उपाधिको बलियो दावेदार रियल मड्रिडले बलियो टोली भ्यालेन्सिया माथि २-१ को जित निकाल्यो । रियलको जितका लागि क्रिष्टियानो रोनाल्डो र मार्सेलोले एक-एक गोल गरे । रोनाल्डोले खेलको २७ औं मिनेटमा गोल गर्दै खेलमा अग्रता बनाएका थिए । ८२ औं मिनेटमा भ्यालेन्सियाका पारेजोले गोल गर्दै खेललाई बराबरीमा पफर्काए । तर त्यो बराबरी धेरै समय टिक्न सकेन ८६ औं मिनेटमा रियलका लागि मार्सेलोले गोल गरेपछि रियल जितको हकदार बन्यो ।

दुवैको जित पछि समान ८१ अंक भएको छ । गोल अन्तरका आधारमा बार्सिलोना अगाडि भएपनि रियलले एक खेल कम खेलेको छ ।