काठमाडौं: आगामी जेठ २० गते (जुन ३ )मा यूरोपमा हुने विश्व मेलामा भगवान गौतम बुद्धका सन्देश राखिने भएको छ । बेल्जियमको लुभेन शहरको केन्द्रमा अवस्थित दि ब्रुल नामक पार्कमा लुभेन नगरपालिका र भ्लाम्स ब्राबांट प्रोभिन्सको संयुक्त आयोजनामा हुन लागेको मेलामा गौतम बुद्धको शान्ति र अहिंसाका उपदेशहरु लेखिएका प्लेकार्डहरु राखिन लागेको हो ।
बुद्धको जन्मस्थल लुम्बिनी र शाक्यवंशीय राजधानी प्राचीन कपिलवस्तुको विषय,नेपालको साँस्कृतिक र प्राकृतिक विश्व सम्पदा सूचीमा सूचीकृत भएका सम्पदाहरुको जानकारी मुलक सामग्रीहरु प्रदर्शनीमा राख्न लागिएको हो ।
लुम्बिनी कपिलवस्तु बिश्व अभियानले गर्न लागेको प्रदर्शनीका लागि सम्पदा सूचीमा सूचीकृत सम्पदाहरुको जानकारीमुलक ब्रोसर र पोष्टरहरु निशुल्क वितरण गरिने लागेको हो । बृत्तचित्रहरुको प्रदर्शनका लागि पनि तयारी गरिएको अभियानका अध्यक्ष दामोदरप्रसाद आचार्यले जानकारी दिनुभयो ।
आचार्यका अनुसार इन्फरमेसन स्टल मार्फत नेपालको प्रबद्र्धन गर्न अनुमति लिइसकिएको छ । प्रदर्शनी स्थलमा टेन्ट तयार गर्ने जिम्मेवारी अभियानले लिएको छ ।
स्टल व्यवस्थापनका लागि योगिता थापा,सीमा सुवेदी,दुर्गा भट्टराई र अनिल थापालाई जिम्मेवारी दिइको आचार्यले जानकारी गराउनुभयो ।
प्रतिक्रिया दिनुहोस !
