अब नेपाली विद्यार्थीलाई अष्ट्रेलियामा सजिलो
![अब नेपाली विद्यार्थीलाई अष्ट्रेलियामा सजिलो](https://annapurnapost.prixacdn.net/media/albums/australia-560x315-592feb2b2920c3.71158964_acAjDqJ12A.jpg)
अष्ट्रेलिया : नेपालबाट अष्ट्रेलिया पढ्न र करिअर बनाउन आउन चाहने विद्यार्थीलाई अब सहज हुने भएको छ। अष्ट्रेलियाको जीवन, विश्वविद्यालय, कोर्ष, आम्दानीको अवस्था साथै कसरी अष्ट्रेलिया प्रोसेस गर्ने विषयमा जानकारी दिन सिड्नीमा रहेका केही युवाले नेपालीपेज पोर्टल सुरू गरेपछि अष्ट्रेलिया आउन चाहनेका लागि सजिलो हुने भएको हो।
नेपालबाट अष्ट्रेलिया आउन चाहने तथा अष्ट्रेलिया आइसकेका नेपालीहरूलाई यहाँको जीवन शैली तथा पढाई र भविष्यको बसाईंका बारेमा जानकारी दिने हिसाबले नेपालीपेजडटकम वेब पोर्टल सुरू भएको संचालक तथा प्रोग्रामर मदनमणि अधिकारीले जानकारी दिनुभयो। वेब पोर्टलले नेपाली तथा अंग्रेजी भाषामा नेपालबाट अष्ट्रेलिया आउन चाहने तथा अष्ट्रेलियामा रहेका नेपालीलाई सम्पूर्ण जानकारी गराउने अधिकारीको भनाइ छ।
वेब पोर्टलकी म्यानेजिङ एडिटर संगीता घिमिरेले अष्ट्रेलिया आउने विद्यार्थीका लागि सम्पूर्ण जानकारी एउटै वेव पोर्टलमा समावेश गर्ने प्रतिबद्धता जनाउनु भएको छ।
पोर्टलका डिजीटल पब्लिसिङ म्यानेजर प्रमेश श्रेष्ठले नेपालीपेजले अष्ट्रेलिया र नेपालमा रहेका नेपालीलाई गुणस्तरीय डिजिटल कन्टेन्ट नेपाली र अंग्रेजी भाषामा उपलब्ध गराउने र त्यसबाट दुवै देशमा रहेका नेपाली साथै विश्वभरका नेपाली लाभान्वित जानकारी दिनुभयो।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)