काठमाडौ : राष्ट्रपति विद्यादेवी भण्डारीले आसन्न तेस्रो चरणको निर्वाचन भयरहित बनाउने उदेश्यलेले सेना परिचालनका लागी सरकारलाई स्वीकृत दिएकी छन । राष्ट्रिय सुरक्षा परिषदको सिफारिस र मन्त्रीपरिषदको सेना परिचालन सम्वन्धी निर्णयलाई राष्ट्रपति भण्डारीले विहिवार स्वीकृति दिएकी हुन ।
राष्ट्रिय सुरक्षा परिषदले भदौ ४ गते गरेको सिफारिसका आधारमा भदौ ५ गतेको मन्त्रीपरिषदको वैठकले तेस्रो चरणको स्थानीय तहको निर्वाचनका लागि सेना परिचालन गर्ने निर्णय गरेको थियो । निर्वाचन आयोगले असोज २ गतेका लागी प्रदेश नम्बर २ मा स्थानीय तहको निर्वाचनको तयारी गरिरहेको छ । राष्ट्रपति भण्डारीले तेस्रो चरणको स्थानीय तहको निर्वाचन कार्यमा नेपाली सेना परिचालन गर्न संविधानको धारा ६६को उपधारा(२) बमोजिम स्विकृत प्रदान गरेकी हुन ।
तेस्रो चरणको स्थानीय तहको निर्वाचन स्वतन्त्र, निष्पक्ष र भयरहित वातावरणमा सम्पन्न गर्न स्थानीय तह निर्वाचन सुरक्षा योजना अनुशार सुरक्षा निकायहरुलाई एकीकृत तथा समन्वयनात्मक रुपमा परिचालन गर्न राष्ट्रिपति भण्डारीले सेना परिचालनको अनुमति दिएकी हुन ।
प्रतिक्रिया दिनुहोस !
