गायक निर्मल सुब्बा र गायिका लक्ष्मी योङ्हाङले स्वर दिएको लिम्बू भाषाको गीत ‘चासोक तङनाम’को भिडियो सार्वजनिक गरिएको छ । राजधानीमा आयोजित कार्यक्रममा प्राज्ञ अशोक लोहरुङ राई, याक्थुङ हाक्पारे पालाम सयङकी अध्यक्ष रूपा आङबुहाङ, लेखक हर्क योङ्हाङ, कलाकार भीम तुम्बाहाङ्फेलगायतले लिम्बु भाषामा आधारित सो भिडियोका प्रशंसा गरेका थिए ।
भिडियोमा लिम्बू कला, संस्कृतिलाई समेटिएकाले उत्कृष्ट बनेको प्रतिक्रिया सहभागीको थियो । निर्देशक लोकेन साँवाले भिडियोबारे कार्यक्रममा चर्चा गरेका थिए । यस म्युजिक भिडियोमा भीम तुम्बाहाङ्फे, लक्ष्मी योङ्हाङ, शैलेन्द्र थेवे, निर्मल सुब्बा, खुश्बु चेम्जोङलगायतले मोडलिङ गरेका छन् ।
‘तरेमे चासोक तङनाम ओ चुमिरो’ बोलको गीतका हर्क योङहाङको शब्द र अशोक लोहरुङ राईको संगीत समेटिएको छ । भिडियोको नृत्य निर्देशक दिनेश माङ्गमुले गरेका हुन् । डीभीडी प्रकाशन गरेर त्यसको बिक्रीबाट संकलित रकम सामाजिक कार्यमा खर्च गरिने बताइएको छ ।
प्रतिक्रिया दिनुहोस !
