जलेश्वरबाट फोरमले जितको यात्रा सुरु गर्यो
महोत्तरी : महोत्तरीको गौशाला नगरपालिका २ को वडाअध्यक्षमा संघीय समाजवादी फोरम विजयी भएको छ । संघीय समाजवादीका शेष सलाम ९११ मत प्राप्त गरी विजयी भएका हुन् । उनकाको निकतम प्रतिद्वन्द्वी नेपाली कांग्रेसका भरत साह ६४८ मत प्राप्त गरेका छन् ।
जलेश्वर नगरपालिका-१ को वडाध्यक्षमा नेपाल लोकतान्त्रिक फोरम विजयी भएको छ । मुख्य निर्वाचन अधिकृत किरणकुमार पोखरेलका अनुसार जलेश्वर नगरपालिका-१ को वडाध्यक्षमा नेपाल लोकतान्त्रिक फोरमका अनिल झाले २८६ मत ल्याएर विजयी भएका छन् ।
त्यस्तै, उनका निकटतम प्रतिद्वन्दी राजपाका राकेशकुमार साहले २१६ मत ल्याएका हुन् । यसैगरी, सो वडाको एक वडा सदस्य, दलित महिला सदस्य पनि नेपाल लोकतान्त्रिक फोरमले नै जितेको छ भने एक सदस्य राजपाले जितेको छ । दुईजना वडा सदस्य पदका उम्मेदवारको मत बराबर भएकोमा गोलाप्रथाबाट चयन गरिने मुख्य निर्वाचन अधिकृत पोखरेलले बताए ।
यस्ताे छ नयाँ परिणाम
महोत्तरीको बर्दिवास नपा : प्रमुख/उपप्रमुख नेका : २००१/१४८७
एमाले :१०२३/१६१५
माके :११६३/११२२
(वडानम्बर १,२,१४ को मतगणना सकियो)
प्रतिक्रिया दिनुहोस !
