झापामा मोटरसाइकल दुर्घटनामा एकको मृत्यु, दुई घाइते
दमक : झापामा भएको बेग्ला बेग्लै मोटरसाइकल दुर्घटनामा परि एक जनाको मृत्यु भएको छ भने दुई जना घाइते भएका छन्। पूर्वपश्चिम राजमार्ग अन्तर्गत झापाको मेचीनगर - १० नागडुव्वा पूल नजिकै यात्रुवहाक बसको ठक्करबाट कनकाई नगरपालिकाको घैलाडुव्वा निवासी ३२ वर्षीय मोटरसाइकल अन्जुम ओलीको मृत्यु भएको प्रहरीले जनाएको छ।
उनी सवार मे५प २२७१ नम्वरको मोटरसाइकललार्ई शुक्रबार साँझ ६ बजेतिर काँकरभिट्टाबाट यात्रु लिएर आउँदै गरेको ना ५ख ४९१३ नम्वरको बसले ठक्कर दिँदा घटनास्थलमै मृत्यु भएको हो। बसका चालकलाई प्रहरी चौकी चारआलीले नियन्त्रणमा लिएको छ।
त्यस्तै झापाकै शिबसतासी नगरपालिका-८ सतासी खोला नजिकै मोटरसाइकल अनियन्त्रित भई दुर्घटना हुँदा दुई जना घाइते भएका छन्। मे८प १५१० नम्बरको मोटरसाइकल अनियन्त्रित भई दुर्घटना हुँदा मोटरसाइकल चालक झापा दमक नगरपालिका-७ बस्ने ३९ वर्षीय राजु राई र पछाडी सवार सोही ठाउँका ३९ वर्षीय बुद्ध श्रेष्ठ घाइते भएका हुन्।
घाइतेमध्ये बुद्धको न्युरो अस्पताल विराटनगर र राजुको लाइफलाइन अस्पताल दमकमा उपचार भइरहेको इलाका प्रहरी कार्यालय झिलझिलेले जनाएको छ।