राजनीतिक दलका प्रचार सामग्री हटाउन युवा सक्रिय
जनकपुरधाम : हालै सम्पन्न प्रतिनिधिसभा र प्रदेशसभा निर्वाचनमा मठमन्दिरका भित्तामा टाँसिएको प्रचार सामग्री राजनीतिक दलले नहटाएपछि युवाहरु सहर सफाईमा लागेका छन् । पर्यटकको घुइँचो हुने जनकपुरधाममा नकारात्मक सन्देश बाहिर नजाओस भनेर सफाईमा सक्रिय भएको युवाले बताए ।
निर्वाचन आचार संहितामा प्रचारप्रसारको लागि सांस्कृतिक सम्पदाको प्रयोग गर्न नपाईने, प्रयोग गरिएका सामग्री आफैँ हटाउनु पर्ने उल्लेख गरिएको छ । मन्दिरका भित्ता र पर्खाल कुरुप बनाएका दल र तिनका उम्मेदवार नफर्किएको युवाको आरोप छ ।
मन्दिर वरपर सफा नगर्दा बाहिरबाट आउने दर्शनार्थी एवं पर्यटक मार्फत जनकपुरको विषयमा नकरात्मक सन्देश जाने हुनाले सफाईमा लागेको युवा अमित साह बताए । उनले भने, ‘चुनावको बेला सुन्दर र सफा नगर बनाउने भन्दै मतदाताको घरदैलोमा पुग्ने उम्मेदवारले चुनाव सक्दा पनि प्रचार सामग्री नहटाउनु निन्दनीय छ ।’
जनकपुरका राजनीतिक दल र उम्मेदवारले सहर कुरुप गर्न मात्र जानेको तर सफाइमा अग्रसरता नदेखाएकोमा अमरचन्द्र अनिल आक्रोस पोखे ।